Акын жана журналист, маркум Зайырбек Ажыматовдун өмүр таржымалына арналган спектакль 17-мартта Бишкектеги Чыңгыз Айматов атындагы орус драма театрынын сахнасында коюлду.
"Жүрөктөгү бороон" деп аталган поэтикалык драманы Сайра Батыркулова жазган. Пьесаны "Учур" жаштар театры даярдады. Режиссеру - Чыңгыз Мамаев.
Пьеса бүгүн 18-мартта да болот.
«Азаттык» радиосунда маданият темасындагы окуяларды чагылдырып иштеген акын Зайырбек Ажыматов 2020-жылдын 28-апрелинде 44 жаш курагында капилет оорудан улам дүйнөдөн кайткан.
Акындын калеминен «Жалгыздык» (1996-ж.), «Мелмил» (2005-ж.), «Нөлү көп жылдар» (2011-ж.), «Жүрөктөгү бороон» (2019-ж.) ыр жыйнактары жарык көргөн.
Анын ырларына обончу-композиторлор обон жаратып, эл арасында ырдалып жүрөт. Ажыматовдун чыгармачылыгында мекенчилдик, жарандык бийик сезим, көтөрүңкү маанай өзгөчө орунду ээлейт. (MiK)
