Бишкек шаардык кеңешиндеги 45 орунга 25 партиядан 1820 талапкер ат салыша баштады. Бул тууралуу 12-мартта шаардык аймактык шайлоо комиссиясынын төрагасы Кайрат Маматов маалымдады.
Шайлоого саясий партиялар катышып, утуп чыккандары төрт жыл иштейт.
Шаардык кеңештерге үгүт өнөктүгү бүгүн башталды.
Азыркы чакырылыш 2016-жылдын 11-декабрында шайланып келген. Анда шайлоого 14 партия катышкан.
2012-жылкы шайлоодо 45 орунга 23 партия ат салышкан.
Кыргызстанда жергиликтүү кеңештердин депутаттарын шайлоо 11-апрелде өтөт. Ал күнү өлкөдөгү 448 кеңештин, анын ичинде 28 шаардык жана 420 айылдык кеңештин депутаттары шайланат. (RK)
Дагы караңыз
