Кыргызгидрометеорология агенттиги эскертет: 1-мартта жаап өткөн жана 2-3-мартта күтүлүп жаан-чачынга байланыштуу тоолуу райондордо, өзгөчө Бишкек-Ош жолунун 121-138 чакырымдарында (Төө-Ашуу), 198-265 чакырымдары (Ала-Бел, Чычкан капчыгайы), Мырза-Аке-Кара-Кулжа-Алайкуу жолунун 74-115 чакырымдарында, Каракол-Эңилчек жолунун 64-90 чакырымдары (Чоң-Ашуу) жана Казарман-Актал-Чат жолунун 42-44 чакырымдарында (Ийри-Суу тилкеси), 67-93 чакырымдарында (Кара-Гөө ашуусу) кар көчкү түшүшү ыктымал, жолдордо кар күрткүсү күтүлөт. Жолдор тайгак болуп, муз тоңот. Автоунаалардын ортосундагы 500 метр аралыкты сактоо зарыл.
2-мартта күндүз Чүй Талас, Жалал-Абад, Баткен облустарынын тоолуу райондорунда кар жаайт. Калган аймактарда жаан-чачын жок. Жолдор тайгак болот. Батыштан соккон шамалдын ылдамдыгы секундасына 4-9 метрге жетет.
Абанын температурасы:
Чүй өрөөнүндө түнкүсүн -4…+1, күндүз 10…15;
Суусамырда түнкүсүн -23…-28, түнкүсүн -3…-8;
Таласта түнкүсүн 0…-5, күндүз 11…16;
Баткен облусунда түнкүсүн -4…+1, күндүз 11…16;
Ош жана Жалал-Абад облустарында түнкүсүн -4…+1, күндүз 11…16;
Ысык-Көлдө түнкүсүн -3…-8, күндүз 4…9;
Нарын облусунда түнкүсүн -11…-16, күндүз -1…+4;
Бийик тоолордо түнкүсүн -22…-27, күндүз -4…-9 градус суук болот.
Бишкек шаарында 2-мартта жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Абанын температурасы түнкүсүн 0…-2 суук, күндүз 13…15 градуска чейин жылыйт.
