Таиланддын полициясы Пхукет аралындагы кароосуз калган имараттардын биринен кыргыз жаранынын сөөгү асылган абалда табылганын кабарлады.
Бул тууралуу Chiang Rai Times басылмасы жазды.
Гезиттин маалыматына ылайык 28 жаштагы Адилет аттуу маркум кыргыз жараны болгон. Анын мойнунда жиптин тактары калган, күч колдонуунун белгилери аныкталган эмес. Учурда полиция иликтөө жүргүзүп жатканын билдирди. Ал жаран Таиландга эмне себептен барганы жөнүндө толук маалымат жок.
Учурда Кыргызстандын Тышкы иштер министрлиги бул кабар боюнча маалымат бере элек. (TSh)
