Бишкектеги №3 балдардын клиникалык тез жардам ооруканасынын мурдагы башкы дарыгери Талант Өмүрбеков коронавирус жугузуп алгандан кийин эки өпкөсү тең кагынып 19-январда ооруканага түштү.
Азыр ал Республикалык жугуштуу оорулар бейтапканасынын реанимация бөлүмүндө жатат. Бул тууралуу оорукананын башкы дарыгери Гүлжигит Аалиев "Азаттыкка" билдирди.
"Өмүрбековго коронавирус козгогон эки тараптуу пневмония деген диагноз койдук. Оор абалда келген. Азыр абалы бир аз турукташып калды десек болот, бирок оор. Тиешелүү медициналык жардам көрсөтүлүп жатат".
Медицина илимдеринин доктору, профессор жана балдар хирургу Талант Өмүрбеков Кыргызстандагы күчтүү дарыгер катары таанымал.
Дагы караңыз
