Чүйдө өрттүн айынан бир адамдын өмүрү кыйылды. Өзгөчө кырдаалдар министрлиги 22-декабрда кабарлагандай, кырсык Москва районуна караштуу Ак-Суу айылында болду.
Жалпы аянты 40 чарчы метрлик үй өрттөнүп, кырсыктын кесепетинен 74 жаштагы аял каза болду. Өрттүн себеби такталууда.
Жалпысынан соңку бир күн ичинде республиканын аймагында 17 өрт катталып, тилсиз жоо менен 19 өрт өчүрүү бөлүм алышты. (RK)
