Президенттикке талапкерлердин бири Адахан Мадумаров өзүнүн үгүт иштерин Ысык-Көл облусунан баштоо планы үзгүлтүккө учураганын Коомдук теле-радио компаниясындагы түз эфирде билдирди:
"Мен эл менен биринчи жолугушуумду касиеттүү Ысык-Көлүбүздөн баштайбыз деген жакшы оюм бар эле. Бирок, тилекке каршы, мына ушунчалык жапайычылыктын чегине келдик, Мадумаровдун штабын түзүп жаткандар жалынып-жалбарып бизден суранышты. Алар мага "бизде жаш азаматтар пайда болду, эгерде кимде ким бир жигиттен башка талапкерге чуркаганын көрсөк, барып үйүңөрдү өрттөйбүз" деп айтышты дешти мага", - деди КТРКнын түз эфиринде.
Кыргызстанда кезексиз президенттик шайлоо 10-январда өтөт. Үгүт иштерин 15-декабрда башталган. Ал добуш берүүгө 24 саат калганда, 9-январда токтойт.
Бул аралыкта президенттикке талапкерлер аймактарды кыдырып, шайлоочулар менен жолугушууга жана негизги мамлекеттик телеканалдардын эфири аркылуу акысыз түз чыгууга акылуу.
16-декабрда президенттикке дагы бир талапкер, "Кой -Таш иши" боюнча үй камагындагы Равшан Жээнбековдун аймактарды кыдырышына сот уруксат берген эмес.
Президенттик кызмат үчүн 18 талапкер ат салышууда.(BCh)
