Ноокат райондук милициясы 8-декабрь күнү мал уурдаган деген шек менен эки жаранды кармады. Алар Өзгөн районунун 38 жаштагы, Кызыл-Кыя шаарынын 31 жаштагы тургундары. Бул тууралуу Ош облустук ички иштер башкармалыгы билдирди.
Облустук милициянын маалыматына караганда Ноокат райондук милициясына 6-декабрь күнү мал уурулук боюнча арыз келип түшкөн. Ноокат РИИБи Жазык кодексинин 200-беренеси («Уурулук») боюнча сотко чейинки териштирүү ишин баштаган.
Кылмышка шектүүлөр учурда убактылуу кармоочу жайга киргизилип, тергөө иштери жүрүп жатат. Жоголгон малдын эти Баткен облусунун Кызыл-Кыя шаарындагы мал союучу жайдан табылган. Жалпы келтирилген зыян 130 миң сом деп эсептелген. (DU)
