Анвар Артыков: Элдин пикирин гана билели деген сөз болушу керек. Ошон үчүн Конституцияны талкуулаганды токтотолу. Коомчулук азыр саясатташып кеткен. 120 депутат мындай опурталдуу нерсени кабыл алуудан сак болушубуз керек. Депутаттардын сөзү элге баалуу болбой калды. Мамлекет башкарган кишилер биз эмнеге иштеп атканыбызды түшүндүрүп айтса болот да. Парламент жаңы парламент келгиче иштеп турушу керек да.
Каныбек Иманалиев: Тактык үчүн! Мен бир да жолу конституциялык кеңешмеге катышкан эмесмин. Биз азыр элге жамынып алып, элге каршы иштеп атабыз. Азыр бирөө "баарына каршы" дегенди кошолу деп атат. Эгер "баарына каршы" деген көп болуп кетсе, Кыргызстан халифат болобу же монархиябы? Бир аз ойлонбойлубу? Кыргызстанда ашып кетсе Конституция боюнча ондой гана адис-юрист бар. Ошонун алтоо каршы болуп атат. Алардын сөзүн укпайлыбы? Азыр бюджеттин жыртыгын көрүп атып, бороондуу күндө ушул мыйзамды кабыл алуу туурабы?
Акылбек Жапаров: Менин мыйзамым элдин тагдырын чечпейт. Баш мыйзамды өзгөртүүгө 80дей депутат добуш берген.
Дастан Бекешев: Кайсы форма өтпөсүн эл утпайт. Кайсыны тандабайлы президент болот. Биз юридикалдык мыйзамдарды, процедураларды буздук. Күнөө баары бир 6-чакырылышта болот. Кийин элди күнөөлөп, "эл өзү тандаган" деген сөз болбосун.