Депутат Наталья Никитенко: Адамдар конституциялык шайлоо укугунан ажырап жатат. Бүгүн бул легитимдүү добуш берүү менен мыйзам долбоорун сүрөгөн адамдардын максаттары аныкталган. Мыйзам долбоору комитеттерде талкууланган эмес, айрым мүчөлөрүн добуш бердиртүү жолу менен өткөрүп алышкан.
Депутат Үмбөталы Кыдыралиев: Өмүрбек Чиркешовичти сыйлайбыз. Бирок биз сыйлаган сайын ал бизди эч оюна албайт. Дайыма эле өз оюн таңуулай берет. Конституциянын жаңы долбоорун даярдап атабыз, “келгиле, чогуу карайлы, чогуу чечели” деп жатабыз. Өмүрбек мырза мындай дейт: “Москвага биздин делегация барса, мигранттар референдум өткөрүүгө каршы митингге чыгышты, мындай тарыхта болгон эмес”. Мен ачыгын айтайын, Москвада митингге заказ менен чыгышкан. Заказ алгандар чыкты митингге. 2010-жылдан бери өлкөгө эч бир пайда алып келбеген Конституция менен жашадык. Эл өзү сунуш кылып атат.
Парламенттин депутаты, экс-президент Сооронбай Жээнбековдун иниси Асылбек Жээнбеков Жогорку Кеңештин жыйынына келип, бир көп өтпөй чыгып кетти.