Жапонияда куш тумоосуна каршы чара көрүлө баштады. Өлкөнүн түштүк-батышындагы Кагава префектурасынын Митоё шаарында абал кооптуу экенин 5-ноябрда NHK телеканалы кабарлады.
Өкмөт башчы Ёсихидэ Суга тийиштүү министрликтерге тоок этин саткан ишкерлердин этият болушун камсыз кылууну, эпидемия жайылып кетпеши үчүн ыкчам чара көрүүнү тапшырды.
Кагава префектурасы жакынкы арада куш тумоосуна каршы штаб ачып, ылаң жуккан үй канаттууларын жок кылууну пландап жатат. (RK)
