Кыргызстанда балдарга улуттук тарбия берүү максатында «Башат» деп аталган мультфильм тартылды. Бул тууралуу анын сценарийин жазган Мирлан Алтымыш уулу кабарлады.
Тасмада шаарда тили орусча чыккан балдарга кыргыз тилин үйрөтүү, улуттук нарк-насил, тарых тууралуу мазмун камтылган. Мультфильмдин кичинекей каарманы шаардан айылга барып, ага чоң атасы улуттук баалуулуктар тууралуу маалыматтарды берет.
Андан тышкары, ынтымакта жашоо, достуктун кадыры, эмгектенүү, маданият тууралуу баяндалат.
«Долбоордун автору - белгилүү агартуучу Мамбетасан Ибраев. Демөөрчүсү Азамат Исмаилов. Аталышын акын Садырбек Турдубек уулу «Башат» койду»,- деди Алтымыш уулу. (MSD)
