Абдрахман Маматалиев Мамлекеттик кадр кызматынын директору болуп дайындалды. Тийиштүү буйрукка өкмөт башчы, президенттин милдетин аткаруучу Садыр Жапаров кол койгону 22-октябрда расмий кабарланды.
Мурдагы мамлекет башчы Сооронбай Жээнбеков 14-октябрда президенттик аппараттын жетекчиси Досалы Эсеналиевди Мамлекеттик кадр кызматынын башчылыгына дайындаган. 19-октябрда Садыр Жапаров аны бошоткон.
Абдрахман Маматалиев буга чейин транспорт министринин орун басары, Жогорку Кеңештин бешинчи чакырылышынын депутаты, вице-премьер-министр болгон.
