2020-жылдын 31-июлуна карата Кыргызстандын жалпы мамлекеттик карызы 4, 824 млрд. долларды түздү. Мунун ичинен 654,41 млн. доллар (13,56%) ички карыз. Ал эми 4, 169 млрд. доллар (86,44%) тышкы карыз. Бул тууралуу Финансы министрлиги маалымдады.
Маалыматка ылайык, эң көп карыз Кытайдан алынган.
Кыргызстан Кытайдын Эксимбанкына 1,776 млрд. доллар бересе;
- Францияга - 4,86 млн. доллар;
- Жапон эл аралык өнүктүрүү агенттигине - 244,84 млн. доллар;
- Банк КвФ - 80,75 млн доллар;
- Түштүк Кореянын Эксимбанкына – 14,14 млн. доллар;
- Араб экономикалык өнүктүрүү Кувейт фондуна - 7,14 млн. доллар;
- Сауд өнүктүрүү фондуна - 24,16 млн. доллар;
- Түркия өкмөтүнө - 89,54 млн. доллар;
- Абу-Даби өнүктүрүү фондуна – 8,04 млн. доллар карыз.
Министрлик Кыргызстандын тышкы карызын азайтуу боюнча аракеттер көрүлүп жатканын маалымдады.
Кыргызстан бул жылы да тыштан 338 млн. доллар каржылык жардам алды. Анын 269 млн. доллары насыя. (ZKo)
