Бишкекте «Кул болбо!» аттуу акция өттү

«Биримдик» партиясынын төрагасы Марат Аманкуловдун эгемендикке байланыштуу сөздөрүнө каршы «Кул болбо!» деп аталган нааразылык акциясы Ош шаарында да уланды. Чогулгандар «Кул болбо!», «Маңкурт болбо!», «Бөтөн жерде султан болгуча, өз жериңде ултан бол» деген чакырыктар жазылган кагаздарды көтөрүп чыгышты.

Оштогу акция Ак-Буура дарыясынын үстүндөгү подиумдан жүрүш менен башталып, Алымбек Датка эс алуу багында уланды.