Кыргызстанда 17-сентябрга карата 81 адамдан коронавирус табылды. Бул акыркы жети күн ичиндеги жогорку көрсөткүч болуп калды. 10-сентябрдан бүгүнкүгө чейин эң төмөнкү көрсөткүч 47, жогорку көрсөткүч 77 болгон.
Илдетке каршы республикалык штабдын маалыматына ылайык, ооруп жаткан бейтаптардын 107си айыкты. Каза болгондор катталган жок.
Өлкөдө COVID-19 вирусуна чалдыккандардын жалпы саны 45153 кишиге жетти. Алардын 41 317и сакайып, 1063ү жашоо менен кош айтышты.
Кытайдын Ухань калаасында 2019-жылдын декабрында чыккан коронавирус 188 мамлекетке тарады.
АКШнын Жон Хопкинс университетинин маалымат базасы көрсөткөндөй, 16-сентябрга карата дүйнөдө бул илдет жуккандардын саны 29 миллион 764 миңден ашты. Алардын 939 миң 500гө жакыны көз жумду, 20 миллиондон көбү айыкты.
Оору эң көп тараган мамлекеттер - АКШ, Индия, Бразилия, Орусия.
Кыргызстанда ооруга кабылгандардын алгачкылары 18-мартта аныкталган. (SE)
