Бул тууралуу 21-августта Республикалык ыкчам штабдын жыйынында айтылганын өкмөттүн басма сөз кызматы кабарлады.
Премьер-министр Кубатбек Боронов Баткен жана Жалал-Абад облусунда эпидемиологиялык кырдаал кооптуу экенин, бул аймактарда коронавирусту жугузуп алуунун жаңы учурлары чыгып, оорусу күчөгөндөр азайбай жатканын айтты.
«Абалды оңдошүчүн облустарга тажрыйбалуу медициналык кызматкерлерди жөнөтүү зарыл», - деди Боронов.
Кыргызстанда пандемия башталган март айынан 20-августка чейин COVID-19 вирусу 42 507 кишиге жукту. Анын 35 486сы айыгып, илдеттен 1 054 адам каза болду.
20-августка карата коронавирус 182 кишиден жаңы табылган. Анын ичинен Жалал-Абад облусунан 44, Баткенде 37 кишиден вирус чыккан.
Пандемия учурунда, өзгөчө оору күчөгөн июль айында Бишкек шаарында медицина кызматкерлери жетишпей башка облустардан жана коңшу өлкөлөрдөн дарыгерлер жардамга келген. (BTo)
