“Гүлшат Асылбаева, мен мыйзамга каршымын, бирок мен фейк эмесмин” деген жазууну “Фейсбуктагы” баракчасына койгон активисттер бул аракети менен “Маалыматты манипуляциялоо жөнүндө” мыйзам долбооруна каршылыгын билдирүүдө. Алар аталган мыйзам долбоору сөз эркиндигин ооздуктоого аракет деп баалашууда.
Гүлшат Асылбаева кечээ "Фейсбукка" эки жолу пикирин жазган. Түнү менен ага жооп кайтаргандардын саны 4 миңден ашты. Алардын басымдуу бөлүгү мыйзам долбооруна каршы чыгып жатышат.