Кыргызстанда соңку бир сутка ичинде коронавирус 87 адамдан жаңы аныкталды. Бул тууралуу 15-июнда саламаттыктык сактоо министринин орун басары Нурболот Үсөнбаев брифингде билдирди. Бул Кыргызстанда коронавирус алгач катталгандан берки эң чоң көрсөткүч болуп калды. Алардын көбү Бишкек шаарында катталды:
Бишкек шаары – 48
Ош шаары - 18
Чүй облусу – 11
Ош облусу – 5
Жалал-Абад облусу - 3
Ысык-Көл облусу - 2
Брифингдеги маалымат боюнча коронавирус илдетинен дарыланып жаткан 22 бейтап айыгып, 15-июнда үйүнө чыкты. Алардын 13ү Нарындан, 7 киши Бишкек шаарынан, бирөө Чүй облусунан, бирөө Ош облусунан.
18-марттан 14-июнга чейин өлкөдө коронавирус 2372 адамдан табылды, алардын ичинен 27 бейтап кайтыш болду, 1813 бейтап айыкты.(ZKo)
