«Инфоком» мамлекеттик ишканасы «Санарип ID» деп аталган виртуалдык паспорттун долбоору даярдалып жатканын билдирди. Ага ылайык, виртуалдык паспорт смартфон системасында иштейт. Смартфондогу паспорт менен бейтапканаларга, мектептерге онлайн кезекке жазылуу, интернет-банкингди колдонуу, мамлекеттик кызматтарды тейлөөнүн электрондук түрүн пайдалануу мүмкүнчүлүгү түзүлөт.
«Инфокомдун» адистери смартфондогу виртуалдык паспортто маалымат коопсуздугу жогорку деңгээлде корголоруна ишендирүүгө аракет кылышууда. Бул долбоор 2020-жылдын апрель айында ишке кириши пландалып жатат. Мындан сырткары «Инфоком» мамлекеттик ишканасы алдыда эмгек китепчеси сыяктуу бир катар мамлекеттик документтерди электрондоштурууну пландап жатканын маалымдады. (TSh)
