Калифорния штатынан шайланган демократ-сенатор Камала Харрис АКШ президенттигине ат салышуудан баш тартты. Талапкерлиги ийгиликтүү башталып, сурамжылоолордо мыкты натыйжаларды көрсөтүп келаткан 55 жаштагы Харрис акыркы убакта АКШнын негизги штаттарынан көп колдоо таппай калды. Ал электрондук почта аркылуу тараткан билдирүүсүндө күрөштү улантууга каржы тартыш болуп жатканын белгиледи.
Айрым серепчилердин айтымында, Камала Харристин популярдуулугунун түшүп кетиши анын саясий программасы так жазылбаганына байланыштуу болду. «Америка үнү» радиосу ал мурдагы вице-президент Жо Байденди жемелегенинен улам да шайлоочуларын нааразы кылып алган болушу мүмкүн экенин жазды.
