Жогорку Кеңештин депутаты, «Өнүгүү-Прогресс» фракциясынын лидери Бакыт Төрөбаев депутаттар менен 9 пайыздык босогону жоюу тууралуу сүйлөшүүлөрдү жүргүзүп атканын айтты.
Бул тууралуу ал 23-октябрда «Азаттыктын» «Эксперттер талдайт» берүүсүндө билдирип, беш пайыздык босогону сунуш кылганын, бирок ал өтпөй калганын белгиледи.
Парламенттик шайлоодо жеңип чыгыш үчүн добуш топтоо босогосу 2010-жылы беш пайыз болсо, 2015-жылы жети пайызга көтөрүлгөн. 2017-жылы чекти тогуз пайызга көтөргөн мыйзам кабыл алынып, ага ошол кездеги президент Алмазбек Атамбаев кол койгон. Бул мыйзам 2020-жылдын 1-январынан тартып күчүнө кирет.
Кээ бирлери бул процесс саясий теңсиздикке жол ачарын белгилеп жатышат.
«Ата Мекен» партиясынын лидери Өмүрбек Текебаев үч пайызга түшүрүш керек экенин билдирген.
Кийинки парламенттик шайлоо 2020-жылы 4-октябрда өтөт. (SE)
