Ооганстандын борбору Кабулдагы жардыруунун курмандыктары алты кишиге жетип, 116 адам ар кандай жаракат алды.
Өлкө бийлигинин маалыматына караганда, каза болгондордун төртөө карапайым жарандар, экөө ооган коопсуздук күчтөрүнүн өкүлдөрү.
1-июлда Кабулда жардыргыч зат салынган автоунаа жардырылган. Бул кол салуу Катарда АКШ менен «Талибандын» өкүлдөрү Ооганстанда тынчтык орнотуу боюнча сүйлөшүүлөрдүн жетинчи айлампасын баштаган кезге туш келди.
Өкмөт өкүлдөрү кол салуу менен «Талибан» сүйлөшүүлөрдө өз күчүн көрсөткүсү келип жатканын билдиришүүдө.
