Ал 4-июнда НАТОнун баш катчысы Йенс Столтенберг менен жолугуп, НАТО-Украина комиссиясынын жыйынына катышат.
Түндүк Атлантикалык Альянс тараткан маалыматка караганда, Зеленский Украинанын чыгышындагы коопсуздукту камсыз кылуу жана согушту токтотуунун жолдору боюнча эл аралык аракетти күчөтүү маселелерин талкуулайт.
НАТО-Украина комиссиясы Киев менен уюмдун ортосундагы кызматташтыкта негизги орунду ээлейт.
Зеленский Европа кеңешинин төрагасы Дональд Туск, Еврокомиссиянын башчысы Жан-Клод Юнкер жана Польшанын президенти Анджей Дуда менен да жолугушат.
Саясатта тажрыйбасы жок актер жана куудул Владимир Зеленский 20-апрелде президенттик шайлоонун экинчи турунда өлкөнү беш жыл башкарган Петро Порошенкону утуп чыккан.
