Франциянын баш калаасы Париждеги Нотр-Дам чиркөөсү өрттөнүп жатат. Социалдык тармактарга жарыяланган сүрөттөр менен видеолордон белгилүү чиркөөнүн чатырынан жалын алоолоп чыгып жатканын көрүүгө болот.
«Париждин Нотр-Дам чиркөөсүндө коркунучтуу өрт болуп жатат», - деп жазды француз баш калаасынын мэри Анн Идальго.
Тилсиз жоонун себеби азырынча белгисиз. Бирок айрым расмий өкүлдөр өрткө чиркөөдө жүрүп жаткан оңдоп-түзөө иштери себеп болушу мүмкүн деп жоромолдоп жатышат.
Готика стилиндеги Нотр-Дам чиркөөсүнүн 850 жылдык тарыхы бар.
