Президент Сооронбай Жээнбеков Кыргызстанда аймактарды өнүктүрүү багытында системалуу иш жүрбөй жатат деп эсептейт. Мындай пикирин ал бүгүн Бишкекте «Аймактарды өнүктүрүү боюнча улуттук диалог» аттуу жыйында сүйлөп жатып билдирди.
Ал бул үчүн жергиликтүү бийлик өкүлдөрүн сынга алды. Ошону менен катар Жээнбеков акимдердин укугун кеңейтүү керек экенин белгиледи.
Мамлекет башчынын пикиринде, жергиликтүү бийликтин ишинин натыйжалуулугун баалаш үчүн атайын критерий иштеп чыгуу зарыл жана аймактарды өнүктүрүү боюнча ырааттуу иш жүргүзүш үчүн бир мамлекеттик органды аныкташ керек. (TSh)
