Ош облусунун Өзгөн районунда 14 жаштагы кыз өз атасынан боюнда болуп калган. Бул тууралуу “Азаттык” радиосуна Ош облустук ички иштер башкармалыгынын басма сөз катчысы Жеңиш Ашырбаев билдирди.
- Кыздын атасы психикалык жактан ооруйт экен. Апасы болсо 2013-жылы оорудан улам каза болуп калыптыр. Азыр кыз менен социалдык кызматкерлер иштеп, дарыгерлер карап жатат, - деди Ашырбаев.
Окуучу кыздын атасы 20-январда Өзгөн райондук ички иштер бөлүмүнүн кызматкелери тарабынан кармалып, камакка алынган. Кыз болсо учурда Өзгөн районунда. Тергөө иштери уланууда. (BTo)
