Вице-премьер-министр Замирбек Аскаров 28-январда Талас облусунун жетекчилери менен жолугушууда аймактардын дотациясын азайтуу зарыл экенин билдирди. Аскаровдун маалыматы боюнча, Талас облусундагы 37 айыл өкмөттүн 33ү мамлекеттик бюджеттен кошумча каржыланат.
- Жалпы облус боюнча дотациянын деңгээли 33,2%, - деди ал. - Муну азайтыш үчүн облус жетекчилиги жеткиликтүү иш алып барышы керек. Бул үчүн аймакка сырттан инвестиция тартып, жергиликтүү бийлик чет элдик инвесторлор менен сүйлөшүүлөрдү жүргүзүүгө тийиш.
Вице-премьер-министр Замирбек Аскаровдун маалыматы боюнча, 2018-жылы өлкөнүн ички дүң өнүмү 557,1 млрд. сомду түздү, ал эми экономика 3,5% өскөн.
Айрым эркин экономисттер 2018-жылы Кыргызстандын экономикасы 18% төмөндөгөнүн айтышууда.
