Бул тууралуу "Азаттыкка" айыл чарба, өнөр жай жана мелиорация министринин орун басары Эркинбек Чодуев кабарлады:
- Кыргыз Республикасынан ЕАЭБге кирген мамлекеттерге 2017-жылы 156 миллион 987 миң долларлык айыл чарба өндүрүмү экспорттолгон. Анын ичинен Казакстанга 74 миллион, Орусия 82 миллион 504 миң, Беларуска 388 миң долларлык товар экспорттолгон. Бул 2016-жылга карата 40,1 миллион долларга, же 34 пайызга көбөйгөн деген сөз.
Министрдин орун басарынын айтымында, бул көрсөткүч 2018-жылы дагы жогорулайт.
Кыргызстан агро өнөр жай өндүрүмүнөн ЕАЭБ өлкөлөрүнө сүт, жашылча, кургатылган жемиштерди жана пахтаны экспорттойт. (KR)
