Ош шаарында жыл башынан бери 32 адам өз өмүрүнө кол салды.
Шаардык милиция билдиргендей, жан кыюуга 14 жаштан 35 жашка чейинки курактагылар аракет кылган, басымдуу бөлүгү кыз-келиндер. Алардын көпчүлүгү аман-эсен куткарылган.
Соңку үч күндүн ичинде суицидге барган үч адамдын экөө каза болгон. Учурда Ош шаардык ички иштер башкармалыгынын тергөө кызматы жарандардын өлүмүнүн себептерин аныктоо боюнча иш-аракеттерди жүргүзүп жатат.
Күч кызматтары бул багытта дин өкүлдөрүн жана жергиликтүү бийликти алдын алуу иштерин жүргүзүүгө чакырды. (ErN)
