Быйыл тогуз айда ВИЧ инфекциясын жуктуруп алгандар өткөн жылга салыштырмалуу 15,1% көбөйгөн. Бул тууралуу Улуттук статистикалык комитеттин маалыматында айтылат. Коркунучтуу илдет Жалал-Абад, Баткен, Ысык-Көл жана Нарын облусунда көп катталган.
Быйыл көп катталган жугуштуу оорулардын ичинде бруцеллез илдети да бар. Бул ооруну жуктургандар өткөн жылга караганда 13,6% көп. Бруцеллез көп катталган аймактардын башында Нарын, Ош жана Ысык-Көл облустары турат.
Саламаттыкты сактоо министрлигинин маалыматы боюнча, сарык менен ооругандар Ош шаарында көп катталып, жалпы көрсөткүчтүн 14,2% түзгөн.
ВИЧ илдети менен Кыргызстанда жети миңден ашуун адам каттоого алынган. Бул илдеттен 1657 киши каза тапкан. (ZKo)
