Президенттикке талапкер Сооронбай Жээнбековдун Таластагы баннеринин өрттөлүшү боюнча кылмыш иши козголду. Бул тууралуу “Азаттыкка” облустук ички иштер башкармалыгынан билдиришти. Маалыматка ылайык, учурда Кылмыш кодексинин "бейбаштык" беренеси боюнча иш козголуп, тергөө амалдары жүрүп жатат.
17-сентябрда белгисиз адамдар Таластын Манас районундагы көчө боюна илинген бир баннерди өрттөп, дагы экөөнү айрып кетишкен. Жээнбековдун Талас шаарындагы штабынын жетекчиси Мирлан Эсенкулов буга талапкердин атаандаштарын күнөөлөп, бирок аттарын атаган эмес. (AlS)
