Кыргызстандын футбол боюнча улуттук курама командасынын жарым коргоочусу Турсунали Рустамов Түркиянын "Күтахяспор" футбол командасы (төртүнчү дивизион) менен бир жылдык келишимге кол койду. Бул тууралуу футбол командасынын расмий сайтында жазылды.
"Күтахяспордо" чет элдиктерден кыргызстандык футболчудан тышкары нигериялык спортчу бар.
27 жаштагы Турсунали Рустамов Тажикстандын "Худжант" жана Кыргызстандын "Алга", Дордой, "Алай" командаларында ойногон. Ал бул сезондо Түркиянын "Серик Беледийеспор" командасында ойногон кыргызстандык футболчу Мирлан Мурзаев менен бир лигада ойнойт. (ElB)
