Бүгүн, 28-февралда Бирдиктүү салык декларациясын кабыл алуу аяктайт. Мамлекеттик салык кызматы билдиргендей, салык декларациясын бере электер бүгүн тапшырышы керек. Аймактык салык кызматкерлери декларацияны түнкү саат 12.00гө чейин кабыл алышат. Аны өз убагында тапшырбагандарга 5 миң сом айып пул салынат.
Мыйзам боюнча, юридикалык жактар 2016-жылы алынган кирешелер же жер тилкелери жана мүлк объектилери, экономикалык ишмердиктери тууралуу 1-мартка чейин отчет берүүгө тийиш. Декларация тапшырууга дыйкан жана фермердик чарбалар, өлкө аймагында иштеген жергиликтүү жана чет өлкөлүк уюмдар милдеттүү. (NT)
