Бул тууралуу вице-премьер-министр Олег Панкратов 6-февралда билдирди. Анын айтуусунда, ЕАЭБ өлкөлөрүнө сатууга уруксат берилген эт-сүт азыктарынын тизмеси 86 топко чейин кеңейтилди. Панкратов белгилегендей, Кыргызстанда өндүрүлгөн эт-сүт азыктары Казакстан аркылуу Орусияга мурунку калыбында ташыла берет, казактар транзитке уруксат беришти.
Жыл башында Казакстандын айыл чарба министринин орун басары Кыргызстанга кат жиберип, эт-сүт азыктары темир жол аркылуу гана өтөрүн маалымдаган. Кыргыз өкмөтү бул кат боюнча Казакстандын Тышкы иштер министрлигине кайрылып, түшүндүрмө сураган.(ZKo)
