Бишкекте “Жорго таксинин” айдоочулары катышкан киши тоноо фактысы катталды. Бул тууралуу Бишкек шаардык милициясынан кабарлашкан. Маалыматка ылайык, милицияга өткөн жылдын 28-декабрында Бишкектин тургуну арыз менен кайрылган. Анда белгисиз адамдар аны “Хонда Фит” үлгүсүндөгү унаага отургузуп, шаар сыртына алып чыгып, ур-токмокко алып 6000 долларын жана 10 миң сомун тартып алганын айтып даттанган. Тергөө иштеринин жыйынтыгында төрт адам кармалды. Алардын экөө “Жорго такси” фирмасынын айдоочулары болгон. Учурда тергөө иштери жүрүп жатат. (BkA)
