“Боко харам” экстремисттик тобу эл аралык "Кызыл чырым" уюмунун жана Швейцария өкмөтүнүн ортомчулугу менен барымтадагы 200 кыздын 21ин бошотту.
Алар 2014-жылы Нигериянын Чибок шаарында уурдалган. Ал жакта “Боко харам” халифат орнотуу максатында төңкөрүш уюштурган. Кагылышуулар маалында миңдей адам өлүп, эки миллионго жакын адам үй-жайын таштап, башка жакка чыгып кетүүгө мажбур болгон.
“Мен аларды бир саат мурда тосуп алдым, бардыгынын абалы жакшы”,-деди Нигериянын вице-президенти Йеми Осинайбо. Кыздар баш калаа Абуджага жеткирилгени кабарланды.
Экстремисттик уюмдун барымтасында ар кандай маалыматтар боюнча дагы 200дөй кыз-келин бар.
