Нью-Йорктун Манхэттен районуна коңшулаш Челси аймагында 17-сентябрь күнү кечки саат сегиз жарымдарда жардыруу болуп, 29 киши жаракат алганын шаардын расмий өкүлдөрү билдиришти. Нью-Йорктун полиция департаментинин маалыматына караганда, жаракат алгандардын акыбалы азыр дурус. Бирөө гана оор абалда реанимацияда жатат.
Окуя болгон жерге ошол замат полиция кызматкерлери, өрт өчүргүчтөр барган жана жарылуу атайын уюштурулган деген версияны иликтешүүдө. Шаар башчысы Де Бласио бул окуянын террорчулукка байланышы жоктугун, бирок ал кокустук эмес, атайын уюштурулган жарылуу экенин билдирди. (BCh)
