Өзбекстандын президенти Ислам Каримов бүгүн, 2-сентябрда саат 20:55те жүрөгү токтоп дүйнө салды. Бул тууралуу ушу тапта өлкөнүн мамлекеттик телеканалы кабарлоодо.
Өлкө башчысынын өлүмүнө мээсине кан куюлуп, инсульт болгондон кийин абалы начарлаганы себеп болгону кабарланды.
Маркумдун жаназасы 3-сентябрда Самарканд шаарында, ата-энесинин сөөгү коюлган жерде өтөт.
Буга чейин айрым маалымат каражаттары Ислам Каримов 29-августта каза болгонун жазып чыгышкан.
Өлкөнү 27 жылдан бери башкарып келген Каримов 78 жашта болчу.
