Бишкектин четиндеги "Ата-Бейит" мемориалдык комплексинде 1916-жылдагы кандуу окуялардын курмандыктарына арналган эстелик бүгүн президент Алмазбек Атамбаевдин катышуусунда ачылды. Анын курулушу президенттин жарлыгына ылайык жүргүзүлгөн. Буга чейин мемориалды тургузуу үчүн скульпторлор арасында сынак жарыяланып, атайын түзүлгөн комиссия Огонбаев менен Ажиевдин эмгегин тандап алган. Эстеликтин ачылышына Кыргызстандагы чет элдик дипломаттар, эл аралык уюмдардын өкүлдөр да келишти.
Үркүн курмандыктарына арналган мемориал ошол кезде ата-бабалар кабылган оор күндөрдү кеңири чагылдырган.
