Азамат Алтай агабызга (Кудайберген Кожомбердиев) Кудай таалам ушундай тагдыр буйруган экен. Өзү айткандай, баарына согуш күнөөлүү. Ооба, бирок Азамат Алтай тагдырдын татаал сыноосуна майышпай, аны жеңе билип, жөн гана жеңе билбей Кыргыз атын дүйнөгө таанытып, эркиндик үчүн күрөшкөн улуу инсан катары тарыхта калды. Ал өз максат-тилегин ишке ашырып, анын үзүрүн көргөн өзгөчө сейрек тагдыр ээси.
Азамат Алтай - элинин чыгаан уулу
"Азаттык" радиосунун Эгемендиктин 25 жылдыгына карата жарыялаган сынагына Каракол шаарынын тургуну, фотокабарчы Бекмурат Нурдөөлөтов өзү тартып калган тарыхый сүрөттөрүн сунуштады. Ал кыргыздын чыгаан уулу, тагдырдын сыноосу менен Ата Мекендик согуштан кийин өз жеринен сыртта жашап калган Азамат Алтай 55 жылдан соң Кыргызстанга келгенде тартып алган сүрөттөрүн салып жиберген. Сүрөттөрдө 1995-жылдын 12-сентябрында Азамат Алтайдын Каракол шаарына барып, эл менен жолугушкан учуру. Сүрөттүн тексттери да автордуку.
1
Каракол калаасынын интеллигенция өкүлдөрү, жетекчилери, жаштары менен карылары 1995-жылдын 12-сентябрь күнү даңктуу уулун кучак жайып тосуп алды.
2
Бул жолугушууда Азамат Алтайдын дарегине татыктуу мактоолор, калоо-тилектер, орошон ойлор айтылды. Азамат Алтай да элдин алдына чыгып сүйлөп, суроолорго жооп берди.
3
Азамат Алтай менен жолугушууга келген аксакал жердеши.
4
Караколдогу Касымалы Жантөшов атындагы драма театрындагы бул жолугушууда облус жетекчиси Жумагул Сааданбеков, шаар башчысы Асылгүл Абдрахманова, Университеттин ректору Жолдош Жусаев жана башка коомчулуктун өкүлдөрү Азамат Алтайды чын жүрөктөн куттукташып, анын басып өткөн, күрөшкө толгон даңктуу жолуна татыктуу баа беришип, узун өмүр каалашты.
5
Жолугушууда аны жазуучу жана драматург Бексултан Жакиев коштоп жүрдү.
6
7
Шаар жетекчилиги Азамат Алтайга калпак кийгизип, чапан жаап, байбичеңизге ала барыңыз деп элечек да белек кылып жатышат.
8
Бексултан Жакиев, Азамат Алтай жана башкалар.
9
Кыргыз Эл жазуучусу Зуура Сооронбаева өзүнүн “Чоочун киши” романын тартуулап Азамат Алтайга чың ден-соолук, узун өмүр каалады.
10
Бексултан Жакиев, Азамат Алтай жана Зуура Сооронбаева.
11
12
Азамат Алтайга таазим кылып, урмат көрсөтүп жаткан жигит.
13
Төкмө акын Майра Керим кызы сахнада 55 жылдан кийин мекенине келген Азамат Алтайдын урматына ырдап жатат.
14
Азамат Алтай жана Майра Керим кызы.
15
Бексултан Жакиев, Азамат Алтай жана Ысык-Көл облусунун ошол кездеги губернатору Жумагул Сааданбеков.
16
Азамат Алтай менен Бексултан Жакиев.
17
Жолугушууга келген эл.
18
Салтанаттуу жолугушуудан кийин Каракол шаарынын тургундарынын атынан Азамат Алтайга сур кашка жорго ат жабдыгы менен тартууланды.
19
Азамат Алтай менен Жумагул Сааданбеков (ортодо).
20
Сур кашка жорго жана жылкы жандуу кыргыз баласы Азамат Алтай.