Бразилияда өтүп жаткан Жайкы Олимпиада оюндарынын алкагында ушул тапта кыргызстандык марафончулар Виктория Плюдина, Юлия Андреева жана Мария Коробицкая 157 спортчунун катарында күч сынашып жатышат. Кыздар атаандаштары менен 42 км 195 м аралыкка чуркашат. Мелдеш Кыргызстандын убактысы менен саат 18:30да башталды.
31-жайкы олимпиадага Кыргызстандан 19 спортчу барган. Алардын жарымы мелдештерге чыкты. Азырынча оор атлетчи Иззат Артыков гана коло медал алды.
5-августта башталган олимпиада 22-августта аяктайт. Азыр медалдардын саны боюнча алдынкы үч орунда АКШ, Кытай жана Улуу Британия келатат.
