Саламаттык сактоо министри Талантбек Батыралиев Бишкектеги лабораториялардын сапатын текшерүү максатында беш менчик, беш мамлекеттик лабораторияга аты-жөнүн жазбай кан анализин жиберген. Мындай эксперименттин жыйынтыгында анализдердин бардыгы ар башка болуп чыккан.
Т. Батыралиев «Азаттыкка» муну менен өлкөдөгү дартты аныктоо жаатындагы көйгөйлөрдү тереңден талдап, чечүүнүн жолун издегиси келгенин айтты. Кыргызстанда азыркы тапта 300 клиника-диагностикалык лабораториялар иштеп жатат. Алардын 67си менчик. (BCh)
