Теги кыргызстандык, учурда Испаниянын жараны Талант Дүйшөбаев Польшанын гандбол боюнча эркектердин улуттук курама командасынын башкы машыктыруучусу болуп дайындалды.
Бул тууралуу Польшанын гандбол федерациясы маалымдады. Дүйшөбаев менен келишим 2016-жылдын сентябрь айынын аягына чейин түзүлгөн. Жаңы машыктыруучуга польшалык гандболчуларды 2016-жылдагы Олимп оюндарына жана 2017-жылдагы дүйнө чемпиондугуна катышууга жолдомо алуу башкы максаттарынын бири болмокчу. Польша курамасы ушул жылы 8-апрелден 10-апрелге чейин боло турган олимпиадага лицензиялык мелдешке катышат. Былтыр польшалык оюнчулар дүйнө чемпиондугунда коло медал тагынып, олимпиадага лицензия албай калышкан. (ECh)
