Кечээ, 4-ноябрда Орусиянын элдик биримдик майрамына карата бүтүндөй өлкө боюнча Биримдик жүрүшү өттү. Москвадагы жүрүшкө кыргызстандык жарандар Улуттук боштондук кыймылынын Кыргыз бөлүмү катары катышты. Бул тууралуу “Азаттыкка" кыймылдын Кыргыз бөлүмүнүн жетекчиси Илияз Урматбек уулу билдирди.
Анын айтуусунда, Кыргыз бөлүмү үч ай мурда түзүлгөн. Мындай уюмга кандай максаттарда кыргызстандык жарандар тартылып жатканы көп суроолорду жаратса да, калпакчан кыргызстандыктардын орус желегинин алдында “Путин – дүйнөлүк улуттук боштондук кыймылынын лидери” деген ураанды көтөрүп чыгышы коомчулукта кызуу талкууларды жаратууда. (LzT)
