Казак жараны Айдын Аимбетов “Союз ТМА-18М” космостук корабль экипажынын курамында 2-сентябрда космоско учту. Космонавттар эл аралык космос станциясында 10 күн болушат.
Казак учкучу бортто британиялык ырчы Сара Брайтмандын ордун ээледи. Ырчы үй-бүлөлүк шартынан улам учуудан баш тарткан болчу. Экипаждын курамында орусиялык Сергей Волков жана Даниялык Андреас Могенсен да бар.
Буга чейин казакстандык Тохтар Аубакиров менен Талгат Мусабаев аттуу учкучтар космоско барып келген. (SE)
