Эл аралык “Манас” аэропортуна жакын аймакта баасы 100 млн. долларга бааланган спорттук комплекстин курулушу пландалууда. Бул тууралуу Дене тарбия жана спорт боюнча мамлекеттик агенттиктин директору Шейшенкул Бакиров 20-июлда Бишкекте өткөн маалымат жыйынында билдирди. Аталган комплекс стадион менен теннис корту, чуркоо аянты өңдүү бир нече спорттун түрүнө ылайыкталып салынат.
Өткөн аптада премьер-министр Темир Сариев Дене тарбия жана спорт боюнча мамлекеттик агенттиктин, Улуттук Олимпиада Комитетинин жана Футбол федерациясынын жетекчилерин кабыл алып, көп тармактуу спорт комплексти куруу зарылдыгын талкуулашкан. (ECh)
