Доллар курсунун өскөндүгүнө байланыштуу июль айында газдын 1 кубометринин баасы 14 сом 35 тыйын деп белгиленди. Бул сан өткөн айга салыштырмалуу 76 тыйынга кымбат экенин “Газпром Кыргызстан” ишканасынан “Азаттыкка” кабарлашты.
Отун-энергетикалык комплексин жөнгө салуу боюнча мамлекеттик агенттиктин буйругуна ылайык, доллардын курсуна карата тарифтер ай сайын алмаштырылат.
“Газпром” Кыргызстанга көгүлтүр отундун 1000 кубун 165 доллардан жеткирет.
Учурда 1 АКШ доллары 62 сомдун тегерегинде сатылууда. Өткөн айда 58-59 сом болгон. (SE)
