8-июнда болгон катуу шамалдын кесепети Бишкек шаарынын түндүк тарабында жайгашкан "Мурас Ордо" жаңы конушунун тургундарына тийди. Тактап айтканда, шамал бул конуштагы 20 чакты үйдүн чатырын алып кеткен. Толугу менен жана жарым-жартылай чатырынан айрылган тургундар кошумча чыгымга дуушар болгону аз келгенсип кечээтен бери электр жарыгы жок очоктун көзүн карашууда.
