Республикалык Мал саламаттыгын көзөмөлдөгөн башкармалыктын жетекчиси Мурат Абдраевдин “Азаттыкка” билдиргенине караганда, учурда өлкөдө сатылып жаткан эттин курамындагы гормон жана гендик модификацияланган заттарды текшере турган лаборатория иштей элек. Себеби эл аралык стандартка жооп бериш үчүн аталган жай азырынча каттоодон өтүүдө.
Эттин курамын текшере турган лабораториялар Бишкек жана Ош шаарларында болот. Азыр баш калаада канаттуу жандыктардын этиндеги куш тумоосу сыяктуу жугуштуу илдеттерди изилдей турган заманбап, Германиядан алынып келинген жабдуулары бар лаборатория гана иштеп жатат. (BCh)
